Bu gün “Eurovision-2015” Mahnı Müsabiqəsinin ikinci yarımfinalı keçiriləcək. Simsar.az xəbər verir ki, Azərbaycan təmsilçisi Elnur Hüseynov bu gün səhnəyə çıxacaq. O, 11-ci nömrə altında çıxış edəcək. Artıq 8-ci dəfədir ki, müsabiqəyə qatılan Azərbaycanı bu dəfə Elnur Hüseynov "Hour of the Wolf” mahnısı ilə təmsil edəcək.
Müsabiqənin ikinci yarımfinalında 17 ölkə - Azərbaycan, Kipr, Çexiya, İslandiya, İrlandiya, İsrail, Latviya, Litva, Malta, Montoneqro (Çeronqoriya), Norveç, Polşa, Portuqaliya, San-Marino, Sloveniya, İsveç, İsveçrə təmsilçiləri mübarizə aparacaq.
“Eurovision-2015”in mayın 19-da keçirilən birinci yarımfinalında isə 10 ölkə Albaniya, Ermənistan, Rusiya, Ruminiya, Macarıstan, Yunanıstan, Estoniya, Gürcüstan, Serbiya, Belçika finala vəsiqə qazanıb.
60-cı “Eurovision” Mahnı Müsabiqəsinin mayın 23-də baş tutacaq final mərhələsində isə 7 ölkə - Avstraliya, Avstriya, Fransa, Almaniya, İtalya, İspaniya, Birləşmiş Krallıq birbaşa iştirak edəcək.
Qeyd edək ki, 60-cı “Eurovision” Mahnı Müsabiqəsində bu il 40 ölkə iştirak edir.
“Körpülər yaradaraq” şüarı ilə reallaşacaq müsabiqə Avstriyanın paytaxtı Vyanadakı "Wiener Stadthalle" arenasında baş tutur.
Xatırladırıq ki, Avstriya “Eurovision” mahnı müsabiqəsinə 1967-ci ildən sonra ikinci dəfə ev sahibliyi edir.
Ümidə