Bu gün “Eurovision-2015” Mahnı Müsabiqəsinin 1-ci yarımfinalı keçiriləcək. Simsar.az xəbər verir ki, “Körpülər yaradaraq” şüarı ilə reallaşacaq müsabiqə Avstriyanın paytaxtı Vyanadakı "Wiener Stadthalle" arenasında baş tutur.
Müsabiqənin 1-ci yarımfinalında 16 ölkə - Albaniya, Ermənistan, Belarus, Belçika, Danimarka, Estoniya, Makedoniya, Finlandiya, Gürcüstan, Yunanıstan, Macarıstan, Moldova, Rumıniya, Rusiya, Serbiya, Hollandiya təmsilçiləri səhnəyə çıxacaq.
Müsabiqənin 2-ci yarımfinalı isə mayın 21-də keçiriləcək. Bu mərhələdə səhnəyə 17 ölkə - Azərbaycan, Kipr, Çexiya, İslandiya, İrlandiya, İsrail, Latviya, Litva, Malta, Montoneqro (Çeronqoriya), Norveç, Polşa, Portuqaliya, San-Marino, Sloveniya, İsveç, İsveçrə təmsilçiləri mübarizə aparacaq.
60-cı “Eurovision” Mahnı Müsabiqəsinin mayın 23-də baş tutacaq final mərhələsində isə 7 ölkə - Avstraliya, Avstriya, Fransa, Almaniya, İtalya, İspaniya, Birləşmiş Krallıq birbaşa iştirak edəcək.
Qeyd edək ki, 60-cı “Eurovision” Mahnı Müsabiqəsində bu il 40 ölkə iştirak edir. Artıq 8-ci dəfədir ki, müsabiqəyə qatılan Azərbaycanı bu dəfə Elnur Hüseynov "Hour of the Wolf” mahnısı ilə təmsil edəcək. O, müsabiqədə 2-ci yarımfinalında, mayın 21-də 11-ci nömrə altında səhnəyə çıxacaq.
Xatırladırıq ki, Avstriya “Eurovision” mahnı müsabiqəsinə 1967-ci ildən sonra ikinci dəfə ev sahibliyi edir.
Ümidə
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
