Teleaparıcı Elgiz Əkbər “Günə baxan” verilişində ilk dəfə aparıcı olaraq efirə çıxıb.
Simsar.az-ın məlumatına görə, Kamran Həsənlinin təqdimatı ilə verilişə dəvət olunan aparıcı təəssüratlarını bölüşüb: “İnsanlar bu proqramın mənim üçün necə olacağını soruşurlar. Deyirlər ki, orada mətbəx var, rəqs var. Demək istəyirəm ki, “Adam içində” verilişi çox çətin idi. O verilişdən sonra “Günə baxan” verilişdə tamaşaçı qarşısına çıxmaq mənim üçün çox asandı. Verilişin mətbəx hissəsində isə Telli xanım qalacaq. Bu proqramda yemək, içmək, musiqi var. Belə veriliş aparmaq haqda heç vaxt düşünməmişdim, səhv etmişəm. Bu formatda verilişi səhərdən-axşama kimi apara bilərəm. Yeni rubrikalarımız olacaq. Kamran Həsənli kimi aparıcıdan veriliş almaq çox çətindir. Kamran Azərbaycan teleməkanında ilklərə imza atan adamdır”.