Əkiz bacılar Sevil və Sevinc Səfərovalar Bakı 2015 Avropa Oyunlarına həsr olunan mahnı və klipi bu gün internet istifadəçilərinin ixtiyarına buraxıblar. Simsar.az xəbər verir ki, “Avropa oyunları” adlanan mahnının sözləri Aqşin Ferat musiqisi isə Tahir Abdullayevindir. Yeni bəstəyə rejissor Nazim Şərbətov ekran həyatı verib. Layihənin ideya müəllifi Səfərovaların prodüseri Mehri Əliquliyeva, təşkilatçısı isə bacıların aparıcı kimi çalışdığı Xəzər Televisiyasıdır.
Klipdə muğam hissəsi də yer alıb. Bu parçanı isə əməkdar artist Təyyar Bayramov səsləndirib.
Bacılar qeyd edir ki, bu layihədə böyük heyət çalışıb: “Klipdə karate üzrə dünya çempionu Rafael Ağayev və Şahin Atamovun məşq prosesini çəkdik. Biz də hər kəs kimi bu önəmli oyunları həvəslə gözləyirik. Hər kəsə uğurlar”.