Teleaparıcı Kamran Həsənli “Günə baxan” verilişini həmkarı Elgiz Əkbərin təqdim edəcəyi haqda yayılan xəbərlərə münasibət bildirib.
“Qafqazinfo”ya açıqlamasında teleaparıcı qeyd edib ki, mayın 18-dən proqramı Elgiz Əkbər təqdim edəcək: “Neçə vaxtdır ki, “Günə baxan” verilişinə görə səhərlər tezdən oyanıram. Bu da mənim rejimimlə düz gəlmir, səhərlər tezdən oyanmaq problemim var.
Bu haqda kanala məlumat verdim, başqa bir verilişlə efirə çıxmağıma qərar verildi. Həftənin birinci günündən proqramı Elgiz aparacaq. Mən isə ANS-də başqa bir proqram təqdim edəcəm, yeni layihə üzərində çalışıram. Birinci gün layihə haqda elə proqramda məlumat verəcəm”.