«Kənardan baxan hər bir şəxs mənə qarşı qısqanclığı görə bilər»
«Kənardan baxan hər bir şəxs mənə qarşı qısqanclığı görə bilər». Bunu Simsar.az-a açıqlamasında Yeni Azərbaycan Partiyasının üzvü, iqtisadçı Nazim Məmmədov hakim partiyanın Almaniyanın Azadlıq Naminə Fridrix Naumann Fondunun Bakı ofisinə ünvanladığı etiraz məktubuna cavab olaraq bildirib.
Fridrix Naumann Fondunun Bakı ofisinin təşkilatçılığı ilə keçirilən ”Avropanın gələcəyi” mövzusunda beynəlxalq konfransda sabiq millət vəkili Nazim Məmmədov Yeni Azərbaycan Partiyasının mövqeyi nəzərə alınmadan, partiyanın adından məruzəçi kimi təqdim edilib.
Yeni Azərbaycan Partiyası adıçəkilən fondun Bakı ofisinin siyasi etiket çərçivəsinə sığmayan bu hərəkətinə kəskin etiraz edərək bildirir ki, Nazim Məmmədov YAP-ın üzvü olmasına baxmayaraq, ona adıçəkilən konfransda Yeni Azərbaycan Partiyasını təmsil etmək səlahiyyəti verilməyib.
N.Məmmədov isə saytımıza açıqlamasında deyib ki, Azadlıq Naminə Fridrix Naumann Fondunun tədbirinə onu telefon zəngilə dəvət ediblər: «Dəvət edəndə mən xaricdə idim. Tədbirdə iqtisadçı alim kimi çıxış etmişəm. Tədbir təşkilatçıları məni YAP üzvü kimi göstəriblərsə, bu mənim günahım deyil. Həmçinin mənim hansısa tədbirdə YAP-ı təmsil etmək fikrim olmayıb, yoxdur, yəqin ki, gələcəkdə də olmayacaq».
RUSLAN
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
