O, ictimai qaydanın pozulmasına səbəb olan hərəkətlərin təşkilində etmədə günahlandırılır
2 aprel aksiyası ilə bağlı mayın 11-də şübhəli şəxs qismində saxlanılaraq, haqqında 48 saatlıq həbs qətimkan tədbiri seçilən AXCP üzvü Elnur Məcidliyə ittiham elan olunub.
Lent.az-ın xəbərinə görə, məlumatı 2 aprel mitinqi ilə əlaqədar açılmış cinayət işinin İstintaq Qrupunun rəhbəri Fazil Həsənəliyev də təsdiqləyib.
Elnur Məcidli Cinayət Məcəlləsinin 233-cü (ictimai qaydanın pozulmasına səbəb olan hərəkətləri təşkil etmə və ya bu cür hərəkətlərdə fəal iştirak etmə) maddəsi ilə ittiham edilir. Onun həbs müddəti mayın 13-də bitməliydi. Lakin ittiham elan edildikdən sonra yenidən həbs qətimkan tədbiri seçilib.
Qeyd edək ki, 2 aprel mitinqi ilə bağlı indiyədək 13 nəfərə cinayət işi qaldırılıb. AXCP sədrinin müavini Fuad Qəhrəmanlı istisna olmaqla, digər 12 nəfər həbsdədir.