Kür çayı boyunca daim işləyəcək gəmilərin alınmasına dair qərar qəbul edilib
"Bu gün Kür çayında daşqın və subasma ilə bağlı problem yoxdur.Əminliklə deyə bilərik ki, bu il Kür çayında daşqınlar olmayacaq". Bunu jurnalistlərə açıqlamasında fövqəladə hallar naziri Kəmaləddin Heydərov deyib.
Nazir hazırda Mingəçevir su anbarında suyun səviyyəsinin 78,2, keçən ilin bu dövründə isə 82 metr təşkil ediyini deyib. "Su ehtiyatları ötən il də idarə olunurdu, amma bu iş koordinasiyalı şəkildə həyata keçirilmirdi. Yalnız bəzi rayonlarda qrunt sularının səviyyəsinin qalxması müşahidə olunur. Amma daşqın faktı yoxdur".
Keçən il Araz çayının bir qolununun açıldığını xatırladan K.Heydərov bundan əvvəl su anbarına normadan çox su buraxıldığını deyib. "Araz çayının qolunun açılması zəruri və lazımlı addım idi. Əgər bundan sonra Araz çayına gur su axını daxil olarsa, şlüzlərdən istifadə edib, su ehtiyatlarını idarə edəcəyik”.
Nazir qrunt sularının səviyyəsinin qalxması faktına da toxunub. Bu məsələnin əhalini narahat etdiyini qeyd edən FHN rəhbəri Kür çayı boyunca daim işləyəcək gəmilərin alınmasına dair qərar qəbul edildiyini bildirib. "İlk belə gəmi bu günlərdə Azərbaycana gətiriləcək. Son 10 il ərzində Kür çayının bütün istiqamətlərində dibinin bir metr qalxması və çayın lildən təmizlənməməsi təbii fəlakətlərə səbəb olur, əhalinin, bələdiyyələrin torpaqlarına ciddi ziyan vururdu. Alacağımız və Kürdə daim işləyəcək gəmilər Kürün dibini 1-2 metr aşağı salacaq, nəticədə qrunt sularının səviyyəsinin qalxması dayanacaq. Eyni zamanda bu addım çaylarda daşqınların baş verməsinin də qarşısını almış olacaq”.
Nazirin sözlərinə görə, ötən il baş verən sel və daşqınlar bəzi yerlərdə torpaqların boşalmasına səbəb olmuşdu və hazırda bunun qarşısını almaq üçün yeni bəndlər tikilir. Həmçinin dağ çaylarının daşması nəticəsində əhaliyə ziyan dəyməsin deyə, dağlıq bölgələrdə də belə bəndlərin tikintisi davam edir.
Aybəniz Haşımovanın tələbələri xarici tamaşaçıları heyrətləndirib - VİDEO
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
.jpg)
