Eldar və Nigar birinci yarımfinalda qalib oldu
Azərbaycanın “Eurovosion-2011” mahnı müsabiqəsindəki təmsilçiləri Eldar və Nigar Almaniyanın Düsseldorfda şəhərində keçirilən yarımfinalda “Running Scared” mahnısı ilə çıxışı edərək uğur qazanıblar. 19 ölkədən olan iştirakşçıların qatıldığı birinci yarımfinalda yerlilərimiz 18-ci sırada çıxış ediblər.
Simsar.az-ın məlumatına görə, 10 iştirakçı finala vəsiqə qazanıb. Tamaşaçı səsverməsi və peşəkar münsiflərin qərarı ilə seçilənlər arasında Eldar və Nigar cütlüyü də olub.
Rusiyalı Aleksey Vorobyov, serbiyalı vokal ifaçısı Nina, litvalı müğənni Evelinv Sasenko, yunan artistlər Lukas Yorkas və Stereo Mayk, Gürcüstanın rok-qrupu “Eldrine”, isveçrəli Anna Rossinelli, macar Kati Vulf, finlandiyalı Paradis Oskar və İslandiyadan olan “Sjonni's Friends” kollektivi də finala vəsiqə qazanıb.
Ermənistanı təmsil edən Emmi mübarizəni yarımfinalda dayandırmalı olub. Türkiyənin "Yüksek Sadakat" qrupu da finala çıxa bilməyib.
Final konserti mayın 14-də olacaq.
Aynurə