Təkliflər ictimiyyətə, müvafiq dövlət qurumlarına təqdim ediləcək
Korrupsiyaya Qarşı Mübarizə üzrə QHT-lərin Məlumat və Əməkdaşlıq Şəbəkəsinin ekspertləri “Kommunal sektorda istehlakçı hüquqlarının qorunmasına yardım göstərilməsi” layihəsi çərçivəsində bir sıra qanunlara əlavə və dəyişikliklər hazırlanıb.
Şəbəkə ekspertləri “Elektroenergetika haqqında”, “Qaz təchizatı haqqında”, “Su təchizatı və tullantı sular haqqında” qanunlara əlavə və dəyişikliklər təklif ediblər.
Ekspertlər təchizatçı qurumların, onların əməkdaşlarının fəaliyyətini tənzimləyən normativ-hüquqi aktlara əlavə və dəyişiklər hazırlanmasını da planlaşdırırlar. Yuxarıda qeyd olunan qanunlara əlavə və dəyişikliklər isə yaxın zamanlarla ictimiyyətə, müvafiq dövlət qurumlarına, təchizatçı müəssissələrə təqdim ediləcək.
Yada salaq ki, layihə çərçivəsində artıq « Qaztəchizatı müəssisəsi ilə məişət abonenti (əhali) arasında yeni təbii qazın alqı-satqısının birtipli Müqavilə», «İçməli su təchizatı və çirkab suların axıdılması müəssisəsi ilə məişət abonenti (əhali) arasında xidmətlərin göstərilməsinə dair birtipli Müqavilə» , «Enerjitəchizatı müəssisəsi ilə məişət abonenti (əhali) arasında elektrik enerjisinin alqı-satqısının birtipli Müqavilə» layihələri hazırlanıb.