985 piyada məsuliyyətə cəlb edilib
Ölkə ərazisində keçirilən “Piyadalar, diqqətli olun!” şərti adı altında hərəkətin təhlükəsizliyi həftəliyi başa çatıb.
Baş Dövlət Yol Polisi İdarəsinin mətbuat xidmətindən Simsar.az-a verilən məlumata görə, həftəlik ərzində piyadaların vurulması ilə bağlı baş vermiş 25 yol-nəqliyyat hadisəsi zamanı 6 nəfər ölüb, 21 nəfər yaralanıb.
Məlumata görə, 1 piyadanın ölümü, 13-ün yaralanması ilə nəticələnən qəzalardan 12-si paytaxtda, 5 nəfərin ölümü, 8 nəfərin xəsarət alması ilə nəticələnən 13 yol-nəqliyyat hadisəsi isə respublika rayonlarında qeydə alınıb. Tədbir ərzində yol hərəkəti qaydalarını pozduğuna görə 985 piyada inzibati məsuliyyətə cəlb edilib.