Bakıda son bir həftə ərzində paytaxt ərazisində avtoxuliqanlıq, sərxoş və sənədsiz avtomobil idarə edən 10 sürücü barəsində həbs qərarı seçilib.
Bakı Şəhər Dövlət Yol Polisi İdarəsindən (BŞDYPİ) Simsar.az-a verilən məlumata görə, həmin şəxslər barəsində məhkəmələrin qərarına əsasən, 5 sutkadan 30 sutkayadək inzibati həbs cəzası verilib. Saxlanılan sürücülərdən 4-ü avtoxuliqanlıq, 4-ü maşını sərxoş vəziyyətdə, 2 nəfəri isə avtomobili sənədsiz idarə etdiyi üçün inzibati həbs olunanların saxlama təcridxanasında cəza çəkirlər.
İdarənin əməkdaşları tərəfindən həbs edilən sürücülər bunlardır: İmran Yarəhmədov, Pərvin Allahverdiyev, Araz Rəhimov, Nicat Qələndərov, Ayşən Həsənov, Roman Səmədov, Rafiq Rəsulov, Amid Zeynalov, Rəşad İsgəndərov, Nazim Məmmədov.
BŞDYPİ-nin rəhbərliyi sürücülərə müraciət edərək, yol hərəkəti qaydalarını kobud sürətdə pozan sürücülərə qarşı idarənin əməkdaşları tərəfindən bundan sonra da ciddi şəkildə mübarizə aparılacağını bildirib.