“Azərbaycanın ABŞ-la münasibətləri üçüncü dövlətə qarşı yönəlməyib”
“ABŞ-la Azərbaycan arasında münasibətlər strateji tərəfdaşlıq səviyyəsindədir”. Simsar.az-ın məlumatına görə, bunu yap.org.az saytına açıqlamasında YAP icra katibinin müavini, deputat Mübariz Qurbanlı deyib. O, bildirib ki, Azərbaycan bölgədə aparıcı dövlətdir və ölkəmizin iştirakı olmadan Cənubi Qafqazda siyasi, iqtisadi layihələrin həyata keçirilməsi mümkün deyil.
Azərbaycanın dünyada iqtisadi mövqeyinin və nüfuzunun artdığını deyən M.Qurbanlı qeyd edib ki, ölkəmizin bölgədəki mövqeyi ilə hər bir dövlət razılaşmalı və buna uyğun siyasətini həyata keçirməlidir.
M.Qurbanlı bildirib ki, Azərbaycanın ABŞ-la münasibətləri üçüncü dövlətə qarşı yönəlməyib: “Azərbaycan dövlətinin xarici siyasətində balanslaşdırmanın əsas yer tutduğunu deyən millət vəkili qeyd edib ki, ölkəmiz dövlətlərlə ikitərəfli münasibətlər qurur, bu münasibətlərin üçüncü dövlətə qarşı yönəlməsinə imkan yaratmır. Onun sözlərinə görə, ölkəmizin məqsədlərindən biri Ermənistanın təcavüzkarlığını ifşa etmək və bu təcavüzü tanıyan dövlətlərin sayını artırmaqdır.
YAP icra katibinin müavini onu da deyib ki, bəzi müxalifət qəzetlərində konqresmenlərin ölkəmizə səfəri düzgün şərh olunmayıb: “Guya konqresmenlərin Azərbaycana səfəri hansısa məsələlərdə təzyiq etmək məqsədi daşıyır: Bu yazılar xülyadır, həqiqəti əks etdirmir. Bütün bunlar müxalifətin mətbəxində hazırlanan dezinformasiyalardır. Azərbaycan müstəqil dövlətdir və hansısa ölkə bizə təzyiq edə bilməz. Prezident İlham Əliyevin rəhbərliyi ilə Azərbaycan dövləti o qədər dəqiq siyasət həyata keçirir ki, burada hansısa ölkənin bu və ya digər formada təzyiq imkanlarına yer qalmır”.
RAMİL
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
