454 namizəd mayın 18-də imtahan verəcək
Prokurorluq orqanlarına 100 ştat vahidi üzrə elan edilmiş müsabiqə ilə bağlı sənədlərin qəbulu başa çatıb.
Baş Prokurorluğun mətbuat xidmətindən Simsar.az-a verilən məlumata görə, prokurorluq orqanlarına işə qəbulla bağlı sənədlərini təqdim etmiş 454 namizəd üçün test imtahanı 18 may 2011-ci il tarixdə saat 10.00-da Azərbaycan Texniki Universitetinin «İdman Sarayı»nda keçiriləcək.
Namizədlər 11 may 2011-ci il tarixdən etibarən sənədlərin qəbulu barədə qəbzi və şəxsiyyət vəsiqəsini təqdim etməklə, test imtahanlarının suallar toplusunu Tələbə Qəbulu üzrə Dövlət Komissiyasının yerləşdiyi inzibati binada əldə edə bilərlər.
İmtahanın keçiriləcəyi ünvan və vaxt barədə məlumatlar «Test imtahanına buraxılış vərəqəsi»ndə, imtahanın keçirilməsi qaydaları isə «Yaddaş kitabçası»nda əks etdiriləcək.
İmtahana buraxılmış namizədlər 12-13 may 2011-ci il tarixlərdə saat 09.15-dən 18.00-dək şəxsiyyət vəsiqəsini və sənədlərin qəbulu barədə qəbzi təqdim etməklə, «Yaddaş kitabçası»nı və «Test imtahanına buraxılış vərəqəsi»ni Baş Prokurorluğun əsas inzibati binasının qəbul otağında ala bilərlər.
RAMİL
Aybəniz Haşımovanın tələbələri xarici tamaşaçıları heyrətləndirib - VİDEO
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
.jpg)
