“Barroso kimi kozyoldan danışmaq istəmirəm”
Belarus prezidenti Aleksandr Lukaşenkodan jurnalistlər soruşlublar ki, Kiyevdə Çernobıl faciəsinin 25 illiyinə həsr olunan və Rusiya, Ukrayna prezidentlərinin iştirak etdiyi tədbirlərə niyə getməyib? Lukaşenko cavab verib ki, “bu sualı Ukrayna prezidenti Yanukoviçə verin: niyə Belarus prezidenti bu tədbirlərdə yoxdur? Siz bunu onlardan soruşmalısınız. “
Lukaşenko deyib ki, onun dəvət olunmaq üçün yalvarmaq fikri yoxdur. Lukaşenko onu dəvət etməyən Ukrayna rəhbərliyini “qotur” adlandırıb.
Lukaşenko kriminal jarqon ifadələrini tez-tez işlətdiyinə görə, ingilisdilli media izah verir ki, cinayətkar aləmdə “qotur” deyəndə etibarsız adam başa düşülür. Ancaq Lukaşenkonun bütün qəzəbi Avropa Komissiyasının sədri Barrosoya yönəlib.
Keçən ay Barrosonun məlum bəyanatı oldu ki, Ukrayna Lukaşenkonu dəvət etsə, o, yəni Barroso Çernobıl qəzasını aradan qaldırmaq üçün Kiyevdə keçirilən donor konfransına gəlməyəcək. Reutersin məlumatına görə, Barrosonun Ukraynaya belə şərt qoymasını Avropa Birliyi rəsmiləri təsdiqləyiblər.
Bu barədə indi Lukaşenkodan soruşanda Lukaşenko Barrosonu “kozyol” adlandırıb: “Barroso kimi kozyoldan danışmaq istəmirəm. Kimdir axı Barroso? Portuqaliyada bir Barroso vardı. Onu çıxartdılar, sonra Avropa Komissiyasında vəzifə aldı”.
Lukaşenkonun sözlərinə hələlik Ukraynanın xarici işlər nazirliyi reaksiya göstərib.
Nazirliyin bəyanatında Lukaşenkonun ifadələri yolverilməz və görünməmiş adlandırılır.
Aybəniz Haşımovanın tələbələri xarici tamaşaçıları heyrətləndirib - VİDEO
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
.jpg)
