İstintaq qrupunun rəhbəri partiyada nə axtardıqlarını dedi
Müsavatın qərargahında aparılan axtarışların bəzi təfərrüatları məlum olub
Aprelin 26-da Müsavat Partiyasının qərargahında aparılmış axtarışların təfərrüatları məlum olub. Bakı şəhər Prokurorluğunun istintaq qrupunun rəhbəri Fazil Həsənəliyev Simsar.az-a eksklüziv açıqlamasında bildirib ki, aparılan istintaq tədbirləri nəticəsində partiyanın qərargahında axtarış aparmaq zərurəti yaranıb: “Səbail rayon Məhkəməsinin qərarı ilə İctimai Palatanın son iclas və toplantılarının keçirildiyi binada axtarışlar aparılıb. Axtarışın məqsədi İctimai Palatanın təsis olunması, protokolları, nizamnaməsi, təsis olunduqdan sonra keçirdiyi sessiyalar, qəbul olunan qərarlar, Koordinasiya Şurasının sənədləri və digər lazımi sənədləri aşkarlamaq olub. İctimai Palata son iclaslarını həmin yerdə keçirdiyindən axtarış da məhz partiyanın qərargahında aparılıb. Daha sonra isə özlərinin iştirakı ilə protokol tərtib olunub və sənədlər götürülüb”.
Qeyd edək ki, aprelin 26-da aparılmış axtarışa Bakı şəhər Prokurorluğunun müstəntiqi Cavid Abbasov rəhbərlik edib.
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
Elmira Süleymanova vəfat etdi
.jpg)
