“21-ci əsrdir, amma hələ də incəsənət, ədəbiyyat qara dəriləri qəbul edə bilmir”.
Simsar.az xəbər verir ki, Afrika əsilli amerikalı rəssam Kerri Ceyms Marşall irqi ayrıseçkilik haqda BBC-yə açıqlama verərkən deyib.
O qeyd edib ki, hər zaman, istər kino, istərsə də teatr sahəsində ağ dərili sənət adamları diqqətdə saxlanılıb. Londonun ən məşhur yerlərindən birində əl işləri sərgisini təşkil edən sənətkar deyir ki, qara dərili insanlardan ibarət rəsm əsərləri ağ dərilər tərəfindən narazılıqla qarşılanıb: “Əsas problem də budur. 21-ci əsr olsa da, hələ ki qara dərilər böyük kütlə tərəfindən qəbul edilə bilmir. Sərgidə diqqətdən kənarda qalan şəkillər obraz verdiyim qara dərililərə aiddir. İnsanlar üçün gözəllik anlayışı yalnız ağ dərilərə məxsusdur. Əgər bərabərlikdən, irqi ayrıseçkiliyin olmasında söhbət gedirsə, gərək ki, bu düşüncələr də artıq beyinlərdə olmasın”.
İncəsənətin digər sahələrində, eləcə də kino və moda aləmində də qaradərililərin hüquqlarının qorunmasını, onlara da bərabərlik verilməsini istəyən Marşall qeyd edir ki, publisistik əsərlərdə də diqqət mərkəzində olan ağ dərilərdir. Lakin Marşall yaratdığı qara dərili “superqəhrəman”la bir daha bütün gözəlliklərin, şücaətin yalnız ağ dərilərə məxsus olmadığını göstərdi.
Nigar Məhərrəm
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
