Azərbaycan Dövlət Mədəniyyət və İncəsənət Universitetinin Aktyor sənəti fakültəsinin “Xoreoqrafiya sənəti və səhnə plastikası “ kafedrasının tələbələri Rəşid Behbudov adına Dövlət Mahnı Teatrında Yeni il və Dünya Azərbaycanlılarının Həmrəylik günü münasibətilə konsert verib.
Simsar.Az xəbər verir ki, “Xoreoqrafiya sənəti və səhnə plastikası” kafedrasının nəzdində müxtəlif ixtisaslarında təhsil alan tələbələrdən ibarət rəqs ansamblının və “Səda” uşaq studiyasının ifasında təqdim olunan milli və dünya xalqlarının rəqs nümunələri tamaşaçılarda xoş ovqat yaradıb. Konsertdə nümayiş olunan rəqs kompozisiyalarının quruluşunu “Xoreoqrafiya sənəti və səhnə plastikası kafedrasının müdiri, Sənətşünaslıq üzrə fəlsəfə doktoru Ofeliya Zeynalova, Aktyor Sənəti Fakultəsinin I kurs tələbəsi Nərgiz Məmmədova , II kurs tələbəsi, prezident təqaüdçüsü Akif Kərimli , IV kurs tələbəsi , prezident təqaüdçüsü Xamiz Cəfərov verib.
Nigar