Bakı – Sumqayıt yolunun Şamaxinka adlanan ərazisindən başlayaraq uzun tıxac yaranıb.
Bu gün səhər saatlarından etibarən istirahət günü olmasına baxmayaraq Bakı – Sumqayıt yolunun Şamaxinka adlanan ərazisindən başlayaraq Xırdalan istiqamətində uzun tıxac yaranıb.
Simsar.az-ın əməkdaşının verdiyi xəbərə görə ərazidə qeydə alınan tıxac təxminən iki saatdır ki, davam edir. Şamaxinka adlanan əraziyə yaxınlaşan sürücülər tıxacın səbəbini öyrənə biliblər. Belə ki, ərazi yük maşınları, traktor və texnika vasitələri ilə gediş-gəliş üçün tam bağlı olub.
Ərazidə tıxacın aradan qaldırılması üçün növbə çəkməli olan Yol Patrul Xidmətinin əməkdaşına rast gəlinməyib.
Qeyd edək ki, ərazinin bağlanacağına dair əvvəlcədən nə nazirlikdən nə də Nəqliyyatın İntellektual İdarəetmə Mərkəzindən əhaliyə xəbərdarlıq olunmayıb.