Bu gün Qara Qarayev adına Mədəniyyət və İncəsənət Məktəbində mədəniyyət və turizm naziri Əbülfəs Qarayevin iştirakı ilə 2014-cü ilin yekunlarına həsr olunan mətbuat konfransı keçirilib.
Tədbiri giriş sözü ilə açan nazir 2014-cü il ərzində görülən işlərdən danışıb: “Bu il incəsənət və turizm sahəsində gözəçarpan inkişafın əsas səbəblərindən biri də ölkə prezidentinin il ərzində qəbul etdiyi qərar və sənədlər olub. Fevralda Azərbaycan Mədəniyyət Konsepsiyası təsdiq edilib. Bundan başqa Azərbaycanda ölkədaxili və xarici dövlətlərdə turizmin, mədəniyyət nümunələrimizin təbliği, tanınmasında Heydər Əliyev Fondunun mühüm rolunu qeyd etməliyik. Bu tip tədbirlər gələn il keçiriləcək Birinci Avropa Oyunları üçün də mühüm bazadır. 2015-ci ildə ölkəmizə gələn xaricilər Azərbaycan və onun mədəniyyət nümunələri haqda daha ətraflı öyrənəcək. Ölkə mədəniyyətinin xaricdə tanınması üçün bir sıra təşəbbüslər göstərmişik. Növbəti ildə də bu silsilə tədbirlər davam etdiriləcək”.
Nazir il ərzində görülən işlərdən də söz açıb: “Artıq 6-7 ildir ki, Azərbaycanda Üzeyir Hacibəyov, Qara Qarayev festivalları keçirilir. Bu tip tədbirlər adi xarakter alıb, bu da bizim uğurumuzdur. Balet, lavaş, kəlağayı, aşıq sənəti daxili mədəniyyətin digər sahələri diqqətdədir. Bu ilin ilk yubley tədbirlərini Azərbaycan Xalq Cümhuriyyətinin qurucusu Məhəmməd Əmin Rəsulzadənin silsilə yubley tədbirləri ilə başladıq. Ən son yubley tədbirimiz isə Nəbi Xəzrinin 90 illiyi oldu. Bu il Naxçıvanın 90 illiyini də təntənəli şəkildə ölkənin müxtəlif bölgələrində qeyd etdik. Bundan başqa Xalça Muzeyinin yeni məkanda açılışını da ilin ən önəmli mədəniyyət hadisələrindən biri kimi qiymətləndirməliyik. Açıq Qapı layihəsi çərçivəsində bura gələn qonaqların say-hesabı yox idi”.
Sonda daxili turizmin təbliği istiqamətində yazılan publisitik müsabiqənin qaliblərinin adı açıqlanıb. Qaliblərə pul və xatirə hədiyyələri verilib.
Nigar Məhərrəm
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
