Yaralananlar var
Aprelin 24-də Rusiyanın Tver şəhərində ermənilərlə azərbaycanlılar arasında toqquşma olub. Simsar.az erməni mətbuatına istinadən verdiyi məlumata görə, yerli ermənilərin «soyqırım»ın ildönümünü qeyd etdikləri vaxt azərbaycanlılar Türkiyə bayrağı ilə küçələrə çıxıb. Bu, tərəflər arasında toqquşmaya səbəb olub. Davada hər iki tərəfdən 60-dək insan iştirak edib. İnsident nəticəsində 8 nəfər yaralanıb, 23 nəfər həbs olunub. Yaralılardan bəziləri xəstəxanaya yerləşdirilib. İnsident zamanı travmatik tapançalardan da istifadə edildiyi bildirilir.