Son zamanlar Rusiyanın üzləşdiyi iqtisadi böhran Türkiyədən də yan keçməyib. Türkiyədə əmlakları olan və ölkələrindəki krizisdən sonra borca düşən ruslar, problemdən çıxış yolu kimi Antaliyadakı evlərini satışa çıxarıblar.
Simsar.az-ın yerli mediaya istinadən verdiyi məlumata görə, Türkiyədə beynəlxalq əmlak şirkətində işləyən ukraynalı Sergey Volçenkov bildirib ki, artıq rus varlıları Türkiyədə ev almaq düşündürmür. Onlar özlərini düşdükləri durumdan xilas etməyə çalışırlar: “Onlar indi Antaliyadakı evlərini satıb, Rusiyadakı borclarını ödəmək istəyirlər. Rublun düşməsiylə indi rus alıcılar nə edəcəklərini bilmirlər. Belə bir vəziyyətdə xaricdən ev almaq onlar üçün ikinci plandadır. Buna görə də rus müştərilərimizdə ciddi azalma müşahidə edirik”.
Rusların qazancının rublla olduğunu, Antaliyadakı evlərin isə dollar və euro ilə satıldığını deyən Sergey, sadəcə əmlak bazarının deyil, turizmə də bu böhrandan pis təsir olacağını bildirib: “12 ildir Rusiyadan olanlarla işləyirəm. Təxminən bir ildir Rusyada iqtisadiyyatın zəiflədiyini hiss etməyə başladıq. Ruslar təcili satmaq üçün evləri ucuz qiymətə təklif edirlər”.
Türkiyədəki Rusiya Dostluq Dərnəyinin sədri Marina Sorokina da, rublun dəyərdən düşməsi səbəbiylə artıq soydaşlarının əvvəllər olduğu kimi bu bölgədə ev sahibi ola bilməyəcəklərini deyib.
Antaliya Əmlakçılar Şurasınn Sədri Şərəf Sağlam isə Rusiyadakı böhranla əlaqədar əmlak satışlarında durğunluğun yalnız rus bazarında deyil, bütün sahələrdə müşahidə edildiyini qeyd edib.
Qeyd edək ki, hazırda Antaliyada xaricilərə aid 50 minə yaxın daşınmaz əmlak var və bunlardan 7 mini Rusiya vətəndaşlarına aiddir.
Vüsal Qarayev
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
Elmira Süleymanova vəfat etdi
.jpg)
