İraqlı kürdlərin silahlı gücü olan peşmərgə “İŞİD”ə qarşı ən böyük hərbi əməliyyatlarını keçirib.
Simsar.az xəbər verir ki, əməliyyat nəticəsində 10 min yezidinin yaşadığı Sincar şəhəri mühasirədən xilas edilib.
Pentaqon əməliyyatlarda “İŞİD”in İraq bölgəsi üzrə liderinin öldürüldüyünü açıqlayıb. İraq Kürd Hakimiyyətinin lideri Məsud Bərzani isə bu qələbəni qeyd edən yezidilərə ərməğan etdiyini deyib.
İraq Kürd Hakimiyyətinin kəşfiyyat məsləhətçisi Mesrur Bərzani isə dünən 700 kilometr ərazinin “İŞİD”dən azad edildiyini bildirib: “İŞİD hazırda 2 min 100 kilometrlik bir ərazidə mühasirəyə düşüb. Düşmən bu əraziləri də boşaltmağa başladı”.
“İŞİD” tərk etdikləri ərazilərdə evləri yandırır.
Vüsal Qarayev