Təhsil Nazirliyi ümumi təhsil məktəblərinin şagirdləri arasında görkəmli rus şairi Mixail Lermontovun 200 illik yubileyinə həsr olunmuş müsabiqə keçirir.
Nazirliyin mətbuat xidmətindən Simsar.az-a verilən məlumata görə, bədii qiraət, teatrlaşdırılmış səhnəciklər və rəsm nominasiyaları üzrə təşkil olunmuş müsabiqə iki mərhələdən ibarətdir. Ümumi təhsil məktəblərində keçirilmiş ilk mərhələdə fərqlənən şagirdlər ikinci mərhələdə iştirak etmək hüququ qazanıb.
Müsabiqənin Bakı şəhəri 6 nömrəli məktəb-liseydə davam edən respublika mərhələsində şagirdlərin bilik və bacarıqları münsiflər heyəti tərəfindən qiymətləndirilir. Dörd gün davam edəcək müsabiqədə hər bir nominasiya üzrə I, II və III yerlərə layiq görülən şagirdlər Təhsil Nazirliyinin diplomları ilə təltif olunacaqlar.
Aysel