Milli Azərbaycan Tarixi Muzeyinin Gəncədəki səyyar sərgiləri işini yekunlaşdırıb.
Simsar.Az xəbər verir ki, Milli Azərbaycan Tarixi Muzeyinin Gəncə şəhərində “Gəncə Qala Qapıları – Arxeologiya və Etnoqrafiya Muzeyi Abidə Kompleksi”ndəki səyyar sərgiləri öz işini yekunlaşdırıb.
Sərgilər üçün aparılmış bütün eksponatlar muzeyin müvafiq fondlarına qaytarılıb. Belə ki, bu ilin yanvarında Milli Azərbaycan Tarixi Muzeyi “Gəncə Qala Qapıları – Arxeologiya və Etnoqrafiya Muzeyi Abidə Kompleksi”ndə iki səyyar sərgi təşkil edib: “Azərbaycan – qədim sivilizasiya məkanı” və “Azərbaycan milli geyimləri”.
2014-cü ilin yanvar ayında Azərbaycan Respublikasının Prezidenti İlham Əliyev “Gəncə Qala Qapıları – Arxeologiya və Etnoqrafiya Muzeyi Abidə Kompleksi” ilə tanış olmuduğu zaman, adı çəkilən sərgilərlə də tanış olmuş və tariximizin əyani surətdə təbliği ilə öz razılığını bildirib.
Ümumilikdə sərgilərdə 204 eksponat- arxeoloji materiallar, qədim keramika, silahlar, bəzək əşyaları, milli geyimlər, tikmələr nümayiş olunmuşdur. Muzeydə Azərbaycan xalqının formalaşdığı ərazinin kosmosdan görüntü xəritəsi, Dərbənd qalasının maketi və digər eksponatlar böyük maraq doğurur.
Qeyd edək ki, bu müstəqillik illərində Milli Azərbaycan Tarixi Muzeyinin respublikanın regionlarında keçirdiyi ilk səyyar sərgilər idi.
Nigar
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
