İranın vitse-prezidenti və Suriyanın baş naziri öz müzakirələrinin sonunda Tehran-Dəməşq əlaqələrinin bütün sahələrdə genişləndirilməsini vurğulayıblar.
Simsar.az-ın İran mediasına istinadən verdiyi məlumata görə, İranın vitse-prezidenti İshaq Cahangiri mətbuat konfransında İran-Suriya əlaqələrinin möhkəmliyinə toxunaraq, deyib ki, iki ölkə həssas vaxtlarda daim bir-birini dəstəkləyib.
Cahangiri Suriyanı müqavimət halqalarından və İranın bu ölkəni dəstəkləməsini strateji məsələ adlandırıb: “Tehran-Dəməşq əlaqələri iqtisadi sahələrdə də genişdir”.
Suriyanın baş naziri Vail Əlhəlqi də bu mətbuat konfransında İranın Suriyanın çətin şəraitində bu ölkəni var gücü ilə dəstəkləməsindən razılıq edib. O deyib ki, İranda İslam İnqilabının rəhbəri Xomeyni də daim Suriya dövləti və xalqına dayaq olub.
Vail Əlhəlqi əlavə edib ki, Tehran-Dəməşq əlaqələrinin bütün sahələrdə dərin, geniş və möhkəm olmasına çalışılır.
Əlhəlqi İranlı şirkətlərini Suriyanın bərpasında fəal iştiraka dəvət edib.
Hüseyn İbadlı