Uşaq qatilləri - Dünyanı şoka salan terrorun detalları – VİDEO-FOTO
Pakistanda baş verən dəhşətli terror aktının nəticələri və detalları məlum olub.
Simsar.az xəbər verir ki, hərbçi uşaqlarının təhsil aldığı məktəbə hücum edən Taliban silahlıları əksəriyyəti 5-20 yaşlarında 141 nəfəri öldürüblər.
Terrorçular hərbiçi geyimində məktəbə daxil olaraq, 500 müəllim və şagirdi əsir alıblar. Ordunun hadisə yerinə gəlməsiylə isə silahlılar qətliama başlayıblar. Taliban silahlıları sinif-sinif, dəhliz-dəhliz gəzərək qarşılarına çıxan hər kəsi öldürüblər. Daha sonra 60 uşağın olduğu bir sinif otağı canlı bomba ilə partladılıb. Ümumilikdə məktəbdə ən az iki canlı bombanın partladıldığı bildirilir. Nəticədə 132-si uşaq, 9-u müəllim olmaqla 141 nəfər amansızcasına qətlə yetirilib.
Polsin həyata keçirdiyi 8 saatlıq əməliyyat nəticəsində məktəbdə olan bütün terrorçular məhv edilib. Bu hadisə isə Pakistan tarixinə ən qanlı, ən dəhşətli terror aktın kimi düşüb.
Qeyd edək ki, rəsmi açıqlmada Talibanın terror aktını öz üzərinə götürdüyü bildirilir.