Amerikalı səlahiyyətli orqanlarının rəhbərləri gələn mövsümün yeni il bayramlarında terrorçuların mümkün hücumlarının qarşısının alınması üzrə tədbirlər haqqında ABŞ prezidenti Barak Obamaya məruzə ediblər. Trend TASS agentliyinə istinadən bu barədə məlumat verir.
Ağ evin mətbuat xidmətinin bildirdiyinə görə, dövlət başçısı kəşfiyyat orqanlarının, hərbi və xarici siyasət idarələrinin, eləcə də hökumətin güc blokunun rəhbərləri ilə çərşənbə axşamı müşavirə keçirib.
Vaşinqton administrasiyasının rəhbəri qarşısında "planlaşdırılan və artıq həyata keçirilən təhlükəsizlik sahəsində ölkədə görülmüş tədbirlər" barədə hesabat verilib.
Prezident və onun köməkçiləri Pakistanın Pişəvər şəhərində terror aktı nəzərə alınmaqla, ABŞ dövlət qulluqçularının atdığı addımlarını müzakirə edib.