Əl-Qaidənin silahlı qolu Əl-Nusra Cəbhəsi dünən Türkiyə ilə sərhəddə yerləşən Suriyanın İdbil əyalətindəki 2 hərbi bazanı ələ keçirərək, bölgədəki gücünü daha da artırıb.
Simsar.az xəbər verir ki, ABŞ-ın liderliyində koalisiya qüvvələrinin təlim keçib silahlandırmağı planladığı müxalifət gücləri ərazi itirərkən, Əl-Qaidə yenidən bölgədə gücünü göstərməyə başlayıb. Əl-Nusra cəbhəsi liberal müxalifəti İdlibdən çıxartdıqdan sonra rejimə də ciddi zərbə endirib. İdlib ilə Hatay arasındakı bölgədə əmirlik elan edəcəyini açıqlayan Əl-Nusra, dünən müttəfiqləriylə birlikdə Vadi-əl-Deyf və Hamidiyyə hərbi bazalarını ələ keçirib. Döyüşlər zamanı Əl-Nusra və mütəfiqləri 12, ordu gücləri isə 31 əsgər itiriblər.
İdlibdə ən önəmli yardım yollarından birini itirmə təhlükəsi yaşayan ordu isə Hələbdə yeni mövqelər tutmağı bacarıb. Türkiyədən yardım xəttini kəsməyi planlaşdıran ordu, Leyramun ilə Handarat arasındakı 4 kilometrlik məsafənin 2 kilometrini ələ keçirib. Döyüşlərdə ordunun 9, müxalifətin isə 21 əsgəri ölüb. Livan, İran, İraq və Əfqanıstandan gələn şiə silahlıların Suriya ordusuna dəstək verdiyi bildirilib.
Qeyd edək ki, Əl Nusra burada əmirlik elan edəcəyini açıqlamışdı.
Vüsal Qarayev
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
