Ukraynanın şərqində ordu birlikləri ilə rus tərəfdarı separatçıların arasında 5 sentyabrdakı atəşkəsdən indiyə qədər qarşıdurmalarda 1357 adamın öldüyü bildirilib.
Simsar.az-ın türk mətbuatına istinadən verdiyi məlumata görə, Birləşmiş Millətlər Təşkilatının (BMT) İnsan Haqları Ali Komissarlığı Amerika Avropa və Orta Asiya bölüm rəhbəri Gianni Maqazzeni 5 sentyabrda baş tutan atəşkəsdən sonra ölkənin şərqində ordu birlikləri ilə Rus tərəfdarı separatçıların arasındakı qarşıdurmalarda 1357 adamın öldüyünü bildirib.
BMT Cenevrə Ofisində Ukraynadakı insan hüquqları pozuntuları ilə bağlı 8 aylıq hesabatını açıqlayan Maqazzeni qışın gəlməsiylə Ukraynada çətinliklərin getdikcə artdığını söyləyib.
Maqazzeni deyib ki, iyuldan bu yana ölkə daxilində münaqişəyə məruz qalan və həyatda qalma mübarizəsi aparan insanların sayı 59 min 600-dən yarım milyona çıxıb və 545 mindən çox adam isə qonşu ölkələrə qaçıb.
“Ukraynada qarşıdurmaların başladığı aprel ayının ortasından 12 dekabra qədər 4 min 707 insan həyatını itirib 10 min 322 adam isə yaralanıb. Magazzeni 5 sentyabrda baş vermiş atəşkəsdən indiyədək ölkənin şərqində ordu birlikləri ilə rus tərəfdarı separatçıların arasındakı münaqişələrdə 1357 adam ölüb”.
Mart ayında Krımda baş verən referendumda insan hüquqları pozuntularının davam etdiyini bildirən Maqazzini bölgədə 19 min 881 insanın məcburi köçkün olduğunu deyib.
Digər tərəfdən hesabatda Krımdakı bütün dini icmaların hüquqi statusunu qazanmaları və işlərini davam etdirə bilmələri üçün 1 yanvara qədər bu vəziyyətin Krımda düşməncə mühit yaradaraq din və vicdan azadlığınının maneə törətdiyini vurğulayıb.
Aysel Kərimova