“Bəşər Əsəd rejmindən başqa Rusiyanın maraqlarını dəstəkləyən ikinci qüvvə yoxdur”
Bunu Simsar.az-a Beynəlxalq münasibətlər üzrə israilli ekspert Arye Qut Rusiya Türkiyə yaxınlşamasını əngəlləyən amillərdən danışarkən deyib.
Ekspert bildirib ki, Rusiya-Türkiyə yaxınlaşması real görünmür. Çünki geosiyasi ambisiyaları olan böyük ölkələrin, mühüm məsələlərdə ziddiyətli fikirləri mövcuddur: “Bu iki dövlət Suriya məsələsində kompromissə gələ bilməyəcəklər. Rusiya tam aydın şəkildə Bəşər Əsəd rejimini dəstəkləyir. Rusiyanın maraqlarını özündən başqa dəstəkləyən ikinci qüvvə yoxdur”.
Türkiyənin Suriya ilə bağlı mövqeyini indiyə qədər tam açıqlanmadığını da deyən ekspert hesab edir ki, Bəşər Əsəd rejiminə qarşı çıxan Ərdoğan, bu ölkədə olan alternativ siyasi qüvvəyə açıq aydın dəstək vermir: “Qərb mediasına belə məlumatlar sızılır ki, Turkiyənin kəşfiyyat orqanları “İŞİD”lə sıx əlaqə saxlayır. Son aylarda 49 Türkiyə dipolmatının İslam Dövləti tərəfindən saxlanılması və sonradan buraxılması məhz bu əlaqələrin mövcudluğunu ehtiva edir. Ona görə də Rusiya və Türkiyə arasında yaxınlaşmaya inanmaq çətindir”.
Hüseyn İbadlı