Rusiya Xarici İşlər Nazirinin Müavini Mixail Baqdanov, suriyalılar arasında dialoq başlanılmasını nəzərdə tutan bir plan hazırladıqlarını açıqlayıb.
Simsar.az Rusiya medyasına istinadən xəbər verir ki, Xarici İşlər Nazirinin Müavini Mixail Boqdanov, ölkəsinin suriyalı müxaliflərlə hökumət nümayəndələrinin və Suriya böhranının həllində təsiri olan ölkələrin qatılacağı toplantıya ev sahibliyi edəcəyini açıqlayıb.
Suriyadakı böhranın ən qısa müddətdə həll edilməsini istədiklərini bildirən Boqdanov, Moskvanın bu addımının Cenevrə danışıqları çərçivəsində ciddi dialoqun başlanması üçün zəmin hazırlamağa yönəlmiş olduğunu deyib.
Moskvanın Suriyalı qrupların ünsiyyət və əlaqə mərkəzi halına gətirilməsini nəzərdə tutan bir plan hazırladıqlarını bildirən Boqdanov, qurulan təmasların təsirli və nəticə verici olmasını istədiklərini ifadə edib.
Mixail Boqdanov, Rusiyanın hazırladığı planla bağlı verdiyi bəyanatda ilk növbədə Suriya daxilindəki və xaricindəki müxalif qrupların Moskvada görüşlər keçirəcəyini, ikinci mərhələdə Suriya hökuməti nümayəndələrinin Rusiyaya gələ biləcəyini, sonra texniki səviyyədə addımlar atılacağını və razılığa gəlmək üçün konfrans keçirəcəyini deyib.
Boqdanov, Suriya böhranının həllində mühüm rol oynayan ölkələrin - Amerika, Səudiyyə Ərəbistanı, Türkiyə, Misir və İran kimi ölkələrin konfransda iştirakının əhəmiyyətli olduğunu qeyd edərək ölkəsinin bu toplantının 2015-ci ilin yanvar ayında keçirilməsini ümid etdiyini söyləyib və bu görüşün nə qədər tez keçirilsə o qədər yaxşı olacağını vurğulayıb.
Bundan öncə Suriya daxilindəki və xaricindəki müxalif qrupların nümayəndələri ilə görüşən Mixail Boqdanov, qısa bir müddət əvvəl Livanda Hizbullah baş katibi Seyid Həsən Nasrullahla sonra Dəməşqdə Prezident Bəşər Əsədlə görüşmüşdü.
Hüseyn İbadlı
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
