“Dekabrın 11-dən 12-nə keçən gecə təmas xəttində erməni tərəfinin iddia etdiyi kimi qumbaratanlardan istifadə olunmaqla heç bir atışma baş verməyib. Cəbhədə vəziyyət bütün istiqamətlər üzrə Azərbaycan silahlı qüvvələrinin nəzarətindədir və düşmənin atəşkəsi pozmaq cəhdlərinin qarşısı alınır”.
Simsar.az xəbər verir ki, bunu ans press-ə açıqlamasında Müdafiə Nazirliyinin mətbuat xidmətinin rəhbəri Vaqif Dərgahlı deyib. O bildirib ki, Ermənistan tərəfinin cəbhə ilə bağlı yaydığı məlumatlar təxribatdır.
“Bütün bu yayılanlar dezinformasiyadır və təxribat xarakterlidir. Ermənilərin bu addımı təmas xəttində və bütövlükdə münaqişə ətrafında vəziyyəti gərginləşdirməyə yönələn səylərin tərkib hissəsidir. Ermənistan tərəfi cəbhədə vəziyyətin guya hədsiz dərəcədə gərginləşdiyi barədə dalbadal yaydığı bəyanatlar diqqəti ölkə daxilindəki vəziyyətdən yayındırmağa hesablanıb. Bundan əvvəl də Ermənistanda siyasi vəziyyət gərginləşəndə belə təxribat mahiyyətli bəyanatların verilib”, - deyə MN rəsmisi söyləyib.
Qeyd edək ki, Ermənistan tərəfi bu gün açıqlama yayaraq Azərbaycan silahlı qüvvələrinin erməni mövqelərinə minaatanlardan 24 dəfə zərbə endirdiyini iddia edib. Bununla yanaşı, guya Azərbaycan tərəfi snayperlərdən 144 dəfə atəş açıb, pulemyotlar və digər ağırçaplı silahlardan istifadə edilib.
Aybəniz Haşımovanın tələbələri xarici tamaşaçıları heyrətləndirib - VİDEO
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
.jpg)
