Azərbaycan Bəstəkarlar İttifaqında Ulu Öndər Heydər Əliyevin xatirəsinə həsr edilən anım tədbiri keçirilib.
Simsa.az xəbər verir ki, tədbiri açıq elan edən Azərbaycan Bəstəkarlar İttifaqının sədri, xalq artisti, professor Firəngiz Əlizadə bildirdirib ki, Heydər Əliyevin şəxsi təşəbbüsləri müstəqil Azərbaycanın musiqi mədəniyyətinin inkişafında, ölkəmizin musiqi həyatının zənginləşməsində və beynəlxalq səviyyədə böyük müvəfəqiyyətlər əldə olunmasında öz töhvəsini verib: «Ümummilli liderin Qara Qarayev, Fikrət Əmirov, Niyazi və Müslüm Maqomayev kimi Azərbaycan musiqisinin korifeyləri ilə şəxsi dostluğu onlara yaradıcılıq axtarışlarında və yeni əsərlərin yaranmasında ilham verib.
Tədbirdə çıxış edən Azərbaycan Bəstəkarlar İttifaqının katibi, Əməkdar İncəsənət Xadimi, professor Zemfira Qafarova 1975-ci ildə Üzeyir Hacıbəylinin Ev-muzeyinin açılışı ilə bağlı xatirələrini tədbir iştirakçıları ilə paylaşaraq, Ümummilli liderin Azərbaycan professional musiqisinin banisinin yaradıcılığına həsr etdiyi dərin məzmunlu çıxışının şahidi olduğunu bildirib. O, həmçinin qeyd etdi ki, ymumiyyətlə H.Əliyevin çıxışları həmişə analitik xarakteri və dərin peşəkar yanaşmasıyla fərqlənirdi.
Tədbirin sonunda tanınmış bəstəkar, Respublikanın Xalq artisti, «Şöhrət odenli», professor Tofiq Bakıxanovun "Həmişə bizimləsən " simfonik poeması səsləndirilib.
Günel