Məlum olduğu kimi, Gürcüstan azərbaycanlılarını birləşdirən “Borçalı” cəmiyyətinin sədri Zəlimxan Məmmədlinin Gürcüstana girişi yasaqlanıb. Qeyd edk ki, bir müddət öncə bənzər sanksiya ilə Qarabağ Azərbaycan Təşkilatının (QAT) sədri Akif Nağı da qarşılaşmışdı. Bu xüsusda son durumu öyrənmək üçün Akif Nağı ilə əlaqə saxladıq. QAT sədri Musavat.com-a açıqlamasında bildirdi ki, Gürcüstana girişinə qadağa qoyulduqdan sonra bir çox müraciətlər edib:
“Bakıya qayıdanda Gürgüstan səfirliyində görüş keçirdik, məsələ qaldırdıq ki, səbəbini izah edin. Heç bir cavab verə bilmədilər. Azərbaycan və Gürcüstanın Xarici İşlər Nazirliyinə müraciət etdim. Gürcüstan prezidentinə məktub göndərdik. Çox təəssüf ki, onların heç birindən cavab gəlməyib. Biz fikirləşirik ki, burada erməni barmağı var. Gürcüstanda erməni familyalı məmurlar çoxdur. Onlar Qarabaq Azadlıq Təşkilatının fəaliyyətindən narahatdır. Müraciətlərimizi eləmişik, cavab gözləyirik. Hər halda məsələ belə qalmayacaq. Çalışacağıq ki, bu yanlışlıq aradan qalxsın”.
Akif Nağı bildirdi ki, Zəlimxan Məmmədliyə tətbiq olunan sanksiyadan da xəbardardır:
“Deyə bilmərəm Zəlimxan bəylə bağlı ortada hansı motivlər var. Onun hansı fəaliyyəti üçün qadağa qoyulduğundan xəbərsizəm. Zəlimxan Məmmədli əsasən ordakı borçalıların problemləri ilə məşqul olub. Hesab edirəm ki, Zəlimxan bəy orada siyasi fəaliyyətlə məşqul olmur, ictimai fəaliyyətlə məşquldur. İnanmıram ki, orada Gürcüstan hakimiyyətinə qarşı yanlışlığa yol vermiş olsun”.
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
