ADMİU Rusiya-Azərbaycan mədəni əlaqələrinə həsr olunmuş tədbir keçirib.
Simsar.az xəbər verir ki, Rusiya İnformasiya-Mədəniyyət Mərkəzində (RİMM) ADMİU-nun müəllim və tələbə heyətinin iştirakı ilə Azərbaycan və Rusiya mədəni əlaqələrinə həsr olunmuş tədbir keçirilib. Tədbirə dəvət olunmuş “Rossotrudniçestvo” nümayəndəliyinin rəhbəri Valentin Denisov-Petroviç iştirakçıları salamlayaraq, bu layihənin həyata keçirilməsindən çox məmnun olduğunu bildirib. “Rusiya-Azərbaycan münasibətləri həmişə müxtəlif sahələrdə inkişaf edib. Lakin məhz mədəniyyət sahəsindəki əlaqələr çox dəyərlidir, çünki hər iki xalq bir-birinin mədəniyyətini sevir və qiymətləndirir” deyərək cənab Valentin layihə iştirakçılarına öz təşəkkürünü bildirib. ADMİU-nun Beynəlxalq Şöbəsinin rəhbəri Nəzrin Adıgözəlzadə və Kulturologiya kafedrasının müdiri Sədaqət Əliyeva öz çıxışlarında Rusiya-Azərbaycan mədəni əlaqələrinin inkişafına yönəlmiş tədbirin həyata keçirilməsinin böyük əhəmiyyətindən söz açıblar.
Universitetin III kurs tələbəsi Ülviyyə Hüseynova “Rusiya-Azərbaycan münasibətləri -diplomatiya, mədəniyyət və təhsil sferasında” mövzusunda məruzə ilə çıxış edərək Rusiya ilə Azərbaycan arasında mədəni əməkdaşlığın inkişaf tarixi, bu istiqamətdə həyata keçirilən mədəniyyət günləri, tədbirlər, görüşlər, konsert və qastrollar, sərgi mübadilələri barədə danışıb. Daha sonra Universitetin magistr tələbəsi Günel Əliyeva “Rusiya-Azərbaycan kinematoqrafiyasının qarşılıqlı əlaqələri” mövzusunda məruzə ilə çıxış edib.
Tədbirin rəsmi hissəsi başa çatdıqdan sonra ADMİU-unun Musiqi sənəti fakültəsinin tələbələrinin iştirakı ilə konsert proqramı təqdim olunub. Konsertdə Rafael Əliyev, Nərmin Qasımlı, Zülfi Əsədzadə, İlahə Salmanzadə, Nicat Mahiroğlu, Bəhruz Kərimli və Fidan Xəlilovanın ifasında Azərbaycan və rus klassiklərinin əsərləri və xalq mahnıları ifa olunub.
Günel
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
