“Gürcüstanla nə sərhəd, nə də digər məsələlərdə heç bir problemimiz yoxdur”.
Simsar.az-ın xəbərinə görə, bunu jurnalistlərə açıqlamasında Azərbaycan xarici işlər nazirinin müavini Xələf Xələfov deyib.
Gürcüstanla sərhəddə yeni gömrük-keçid məntəqələrinin açılması nəzərdə tutulurmu sualını cavablandıran X. Xələfov bildirib ki, yeni sərhəd-keçid məntəqələri açılır və bu da ehtiyacdan yaranır: “Çünki bizim ölkələrimiz arasında iqtisadi və siyasi əlaqələr yüksək səviyyədədir. Münasibətlər də get-gedə inkişaf edir, insanlar arasında təmaslar artır. Ona görə də həm iqtisadi, həm də humanitar əlaqələr imkan verir ki, ölkələr arasında yeni sərhəd-keçid məntəqələr açılsın. Yəni bu sahədə yeniliklərin yaranmasına ehtiyac yaranır”.
O əlavə edib ki, Gürcüstanla Azərbaycan arasında iki sərhəd-keçid məntəqəsi yaradılacaq.
Hüseyn İbadlı