ABŞ Konqresinin yuxarı palatası - Senat Ukraynaya ABŞ-ın NATO-dan kənar müttəfiqi statusu verilməsini və bu ölkənin silahlandırılmasını nəzərdə tutan “Ukraynada azadlığa dəstək Aktı 2014” adlanan “S.2828” saylı qanun layihəsini qəbul edib.
Simsar.az-ın UNİAN-a istinadən verdiyi xəbərə görə, qanun layihəsinə əsasən ABŞ prezidenti Ukraynaya 350 milyon dollar dəyərində hərbi yardım göstərmək üçün səlahiyyət alır. Bu yardım Ukraynanın ərazi bütövlüyü və suverenliyinin bərpası məqsədilə ölkəyə tank əleyhinə silahlar, düşmən artilleriyasının mövqelərinin aşkarlanması üçün radarlar, taktiki müşahidə üçün pilotsuz uçuş aparatları, optik tuşlama və idarəetmə, eləcə də kommunikasiya avadanlıqları, şəxsi heyətin müdafiəsi üçün xüsusi vasitələr verilməsi və hücum silahlarına qarşı effektiv mübarizə üçün təlimlərin təşkilindən ibarət olacaq. Layihədə ABŞ prezidentindən Rusiyanın hərbi müəssisələrinə qarşı yeni sanksiyaların tətbiqi tələb olunur. Eyni zamanda, sənəddə Ukraynanın enerji təhlükəsizliyini təmin etmək, xarici mənbələrdən asılılığını azaltmaq məqsədilə bu ölkənin enerji sektoruna yardım edilməsi də əksini tapıb.
Analoji qanun layihəsi (HR 5782) aşağı palata – Nümayəndələr Palatasına da təqdim olunub. Layihə Nümayəndələr Palatasında da qəbul edildikdən sonra qanun prezidentin təsdiqinə göndəriləcək. Prezidentin qanunu imzalayaraq onun icrasına başlamaq və ya veto qoyaraq geri göndərmək hüququ var.
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
