Aparılan təmir işləri ilə əlaqədar əsas yollardan biri bir həftə ərzində bağlı olacaq.
Bakı Şəhər İcra Hakimiyyətindən Simsar.az-a verilən məlumata görə, Səməd Vurğun küçəsinin Xaqani küçəsi ilə kəsişməsindən Zərifə Əliyeva küçəsi ilə kəsişməsinə qədər olan hissəsində aparılan təmir işləri ilə əlaqədar olaraq yolda nəqliyyat vasitələrinin hərəkəti məhdudlaşdırılıb.
Hal-hazırda asflat örtüyünün dəyişdirilməsi üçün hazırlıq işləri gedir (kommunikasiya xətləri dəyişdirilir). Sürücülərə alternativ olaraq Bülbül prospektindən istifadə etmələri tövsiyə olunur. Təmir işlərininin 1 (bir) həftə ərzində yekunlaşdırılması planlaşdırılır.