Sovetlər birliyinin dağılmasının qaranquşu olan Berlin Divarının dağılmasından illər sonra Ukrayna, Rusiya ilə Avropanı ayıracaq divar hörəcək.
Simsar.az xəbər verir ki, Ukraynanın Baş Naziri Arsen Yatsenyuk, 4 il davam edəcək tikintinin 517.3 milyon dollara başa gələcəyini deyib.
Rusiya ilə Ukrayna arasında çəkiləcək divarın uzunluğu 2 min 395 kilometr olacaq. 2 metr təməli olacaq divarın hündürlüyü 4 metrə çatacaq.
Yatsenyuk “Avropa Divarı” adı verilən layihənin Avropa Birliyi tərəfindən də dəstəkləndiyini vurğulayıb: “Rusiya ilə sərhədlərimizi gücləndirəcək bu divar, AB ilə viza rejiminin qaldırılmasına dəstək olacaq”.
Ukrayna Müdafiə Nazirliyinin verdiyi qərarla divar eyni zamanda tanklardan müdafiə olunmaq üçün xüsusi xəndəklərlə gücləndiriləcək.
Avropa Şurası Baş Katibi Thorbjorn Jagland isə bu layihənin qəbuledilməz olduğunu açıqlayıb: “Bu insanların və ailələrin gələcəklərinə müdaxilədir. Avropanı divarla bölmək əvəzinə, “Şərikli Avropa Evi” düşüncəsinin gücləndirilməsi lazımdır”.
Rusiya tərəfindən məsələylə bağlı verilən açıqlamada isə, Almaniyada olduğu kimi, Ukraynanın da divar layihəsinin uzun müddət davam etməyəcəyi, gec-tez bu divarın uçurulacağı bildirilib.
Vüsal Qarayev
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
