Gələn ilin iyunun 12-dən 28-dək Bakıda keçiriləcək I Avropa Oyunlarında mətbuat işçiləri üçün güzəştlər nəzərdə tutulub. Simsar.az Apasport.az-a istinadən xəbər verir ki, akkreditasiyadan keçən media nümayəndələri mayın 29-dan iyulun 1-dək ictimai nəqliyyatdan pulsuz istifadə edə biləcəklər.
Bura Bakı metrosu və avtobus şəbəkəsi daxildir. Media nümayəndələri həmçinin Dənizkənarı Milli Parkda hərəkət edən qatarlardan və liman qayıq xidmətlərindən də pulsuz yararlanacaqlar. Nəqliyyat vasitəsi “Ağ şəhər” və Dövlət Bayrağı Meydanı obyektlər qrupunu birləşdirəcək.
Paytaxtımızda ictimai nəqliyyatın iş saatları saat 05:00-dan gecə 00:00-dək olsa da, Avropa Oyunları zamanı genişləndirilmiş qrafikə keçmək nəzərdə tutulub.
Qeyd edək ki, “Bakı-2015”-də KİV nümayəndələrinin akkreditasiya prosesi artıq başlayıb və gələn ilin martın 6-da başa çatacaq.
“Şuşaya qayıdış” devizi altında ümumrespublika seminarı keçirilib
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər
.jpg)
