Dünyanın tanınmış birja şəbəkəsi olan “Forex”şirkətinin Rusiyadakı nümayəndəliyi fəaliyyətini dayandırdı.
Simsar.az-ın məlumatına görə, şirkətin Rusiya ofisinin direktoru Roman Komısan açıqlamasında bildirib ki, təmsil etdiyi müəssisə bir neçə ay ərzində heç bir gəlir əldə etməyib, büdcədəki vəsait bitdiyinə görə də texniki, maliyyə və müştəriyə dəstək şöbələrini pulla təmin etmək mümkün olmayıb: “Faktiki olaraq “Denqi Onlayn” kimi şirkətlər müştərilərimizin pullarını oğurlamaqla işimizə maneə törədirlər”.
R. Komısan müştərilərə müraciətində həmçinin bəyan edib ki, onlar öz fəaliyyətlərini şirkətə qarşı PR hücumu təşkil edən üçüncü tərəfin cinayət hadisəsi və onların şirkət üzərindən çirkin işlərini davam etdirmələrinə görə dayandırırlar.
O bildirib ki, bizim əlimizdə müştərilərin əmanətlərinin olduğunu təsdiq edən məlumatlar və sənədlər var: “Bizim üçün bir həqiqət var ki, biz qanunu pozmamışıq, zamanla hər şey yerinə düşəcək və hər kəs işlərin əslində necə olduğunu görəcək”.
R. Komısan müraciətinin sonunda müştərilərə üzr istədiyini və işlərin belə gətirməsinə görə dərin təəssüf hissi keçirdiyini də vurğulayıb.
Qeyd edək ki, Forex MMCİS Group ABŞ tərəfindən idarə olunan dünyanın məşhur onlayn maliyyə bazarıdır. Son zamanlar Rusiya-ABŞ münasibətlərindəki dəyişikliklər heç şübhəsiz ki, “Forex”dən də yan keçməyib. Görünür ki, Vladimir Putin hökuməti də ABŞ-a qarşı hər tərəfli sanksiyalar yeritməyi qarşıya məqsəd qoyub. Bu mənada ABŞ-a bağlı şəbəkənin Rusiyada fəaliyyətinin dayandırması da bununla izah oluna bilər.
Nuranə Novruz
“Şuşaya qayıdış” devizi altında ümumrespublika seminarı keçirilib
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər
.jpg)
