“Tərtər ərazisindəki su anbarlarının düşmən işğalı altında olması rayonun susuzluqdan əziyyət çəkməsinə səbəb olub”.
Simsar.az xəbər verir ki, bunu “Sərsəngə yürüş” aksiyası çərçivəsində Tərtər rayon İcra Hakimiyyətinin başçısı Müstəqim Məmmədov deyib.
O əlavə edib ki, hazırkı vəziyyətdə Tərtərin su tələbatını ödəmək çox çətindir: “Torpaqların əksəriyyəti suvarılmadığından sıradan çıxamaq üzrədir. Bu da rayonun flora və faunasına mənfi təsir edir”.
Vəziyyət barədə dünya ictimaiyyətinin məlumatlandırılmasını vacib hesab edən M. Məmmədov səfirlik nümayəndələrindən bu məsələyə həssas yanaşmaqlarını xahiş edib.
Vüsal Qarayev