“Məhkumlar arasında mübahisələr məişət zəminində baş verir”
“Məhkumların hüquqlarının qorunması sahəsində müvafiq qanunvericilik aktları var. Eyni zamnda Azərbaycan məhkumların hüquqlarının qorunmasını təmin etmək üçün beynəlxalq konvensiyalara da qoşulub”.
Bunu Simsar.az-a açıqlama Ombudsmanın Milli Preventiv Mexanizm (MPM) qrupunun rəhbəri Vüqar Məhərrəmov deyib.
O bildirib ki, ilk olaraq, sovet dövründə məhkumun səsvermə hüququ yox idisə, hazırda onlar bu səsvermmə hüququndan rahat şəkildə istifadə edə bilirlər:
“Dövlət məhkumun ancaq azadlıq hüququnu məhdudlaşdırmalı digərlərindən istifadə etmək üçün şərait yaratmalıdır”.
V. Məhərrəmov əlavə edib ki, cəzaçəkmə müəssisələrində məhkumlar üçün iş yerləri açılsa da, bu bütün məhkumları təmin etmir: “Çünki həbsaxanalarda iş yerləri kifayət qədər olmadığından digər məhkumlar bu hüquqlarından yaralana bilmirlər. Ən yaxşı halda məhkumların işlə təmin olunması 10-12 faiz arasında səciyyələnir”.
Məhkumların saxlanma şəraitinə gəldikdə isə V. Məhərrəmov onlar üçün hər cür şəraitin yaradıldığını bildirib.
Onun sözlərinə görə, bəzi hallarda məhkumlar arasında məişət zəminində mübahisələr baş verir: “Bu zaman bir məhkumun digərinə təsir etmə imkanı artır. Amma, bütün hallarda müəssisələrdə işləyən nəzarətçilər qanunvericilik çərçivəsində yaranmış münaqişlərə diqqət etməlidir. Bu cür hallar baş verdikdə həmin məhkumlar daxili intizam qaydalarını pozduqlarına görə, müəssisənin rəhbərinin araşdırmasından sonra cəzalandırıla bilərlər”
O, cəzalar haqqında da danışıb: “Cəzalara isə cərimə təcridxanasına salınma, qapalı otağa keçirtmə, xəbərdarlıq edilmə daxildir. Mübahisə zamanı cinayət tərkibli vəziyyət meydana gələrsə, hadisə müvafiq istintaq orqanına təhvil verilir və məhkum barəsində yeni istintaq aparılır. Bundan sonra cəzasının üzərinə məhkəmənin qərarı ilə yeni cəza gələ bilər”.
Aysel Kərimova
“Şuşaya qayıdış” devizi altında ümumrespublika seminarı keçirilib
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər
.jpg)
