Gələn il aprelin 7-də Azərbaycan Milli Elmlər Akademiyasının Milli Azərbaycan Tarixi Muzeyində “Azərbaycan tarixinin öyrənilməsində muzeylərin rolu” mövzusunda V respublika elmi konfransının keçirilməsi planlaşdırılır.
Muzeydən Simsar.az-a bildirilib ki, konfransda muzeylərin elmi, fond, ekspozisiya işi və Azərbaycan tarixinin öyrənilməsi, muzey pedaqogikası və tarixi tədqiqatlar, tariximizin təbliğində muzeylərin rolu, onların təhsil müəssisələri ilə qarşılıqlı əlaqələri müzakirə ediləcək.
Bu mövzular üzrə hazırlanan tezislər 2015-ci il martın 5-dək qəbul ediləcək. Tezislərin tərtibatına dair tələblər və əlaqələndirici şəxs barədə muzeyin rəsmi saytında (www.azhistorymuseum.az) və “Facebook” səhifəsində (www.fb.com/TheNationalMuseumOfHistoryOfAzerbaijan) məlumat almaq olar.