Gürcüstanın keçmiş prezidenti Mixail Saakaşviliyə “Azadlıq cəngavəri” rütbəsi verilib.
Simsar.az Gürcüstan KİV-nə istinadən xəbər verir ki, mükafatı Kazimir Pulaskiy adına Polşa fondu təqdim edib. Mükafat hər il demokratiya, azadlıq və ədalət uğrunda xidmətləri olan şəxslərə verilir. Həmin mükafatlara müxtəlif vaxtlarda Polşa prezidentləri Lex Valensa və Alensandr Kvasnevski və Litva prezidenti Valdas Adamkus layiq görülüb.
Mükafatlandırma mərasimində Saakaşviliyə həmçinin general Pulaskinin qılıncının oxşarı təqdim edilib. Saakaşvili qılıncın ona təqdim edilməsindən böyük qürur hissi duyduğunu bildirib: “Mən onu divardan asmaq niyyətində deyiləm. Bizim düşmənimiz var və biz bu qılıncdan istifadə edərək onunla mübarizə aparacağıq”.