Qazax rayonunun düşmənlə təmas xəttində yerləşən Bala Cəfərli kəndi ərazisində ötən gün axşam saatlarında daha iki Azərbaycan hərbçisi minaya düşüb.
Simsar.az SalamNews-a istinadən xəbər verir ki, iki hərbçi maşınla cəbhə bölgəsinə su daşıyan zaman, havanın buludlu olması nəticəsində yoldan çıxaraq minaya düşüb. Hadisə nəticəsində avtomobil partlayaraq yanıb.
Qəza nəticəsində müddətdən artıq həqiqi hərbi xidmətdə olan Qazax rayonunun Fərəhli kənd sakini 1979-cu il təvəllüdlü Qoşqar Məqsəd oğlu Qurbanov hadisə yerində avtomobildə yanaraq həlak olub, onun yanında olan hərbçi yoldaşı müddətdən artıq həqiqi hərbi xidmətdə olan Qazax rayonunun Xanlıqlar kənd sakini 1988-ci il təvəllüdlü Eşqin Alı oğlu Şavələdov isə ağır xəsarət alaraq Bakı şəhərinə hərbi hospitala göndərilib.