ABŞ və koalisiya qüvvələri son 3 gündə Suriya və İraqdakı “İŞİD” hədəflərinə 20 hava hücumu həyata keçirib.
Simsar.az xəbər verir ki, ABŞ Hərbi Hava Qüvvələrinin təyyarələri “İŞİD”in Suriyadakı mövqelərinə 6 hava hücumu təşkil etdiyini, ABŞ və müttəfiq ölkələrin qırıcılarının və pilotsuz uçuş aparatlarının da eyni zamanda silahlıları 14 dəfə havadan vurduğunu açıqlayıb.
Kobani yaxınlığında isə “İŞİD”ə aid 6 mövqe, ağır silah, Deyruz Zorda isə militanların 3 hərbi maşını və bir təlim bazası məhv edilib.
İraqdakı “İŞİD” mövqelərinə qarşı Əl-Kaimdə 4, Kərkükdə 3, Samarrada, Telafer və Mosulda 2, Fəllucada bir hava hücumu həyata keçirilib. Hava zərbələri zamanı “İŞİD”ə aid canlı qüvvə, nəzarət məntəqələri, zirehli maşınlar, sığınacaqlar, binalar, mövqelər, ağır silahlar hədəf alınıb.
Vüsal Qarayev