Misirin keçmiş lideri Hüsnü Mübarəkin bəraət alması Misirdə kütləvi etiraz aksiyalarına səbəb olub.
Simsar.az xəbər verir ki, Giza, Feyyum, Beni Suveyf, İsgəndəriyyə, Dimyat, Eş-Şarkiyyə, Kalyubiyə, Port Səid və Asyut şəhərlərində küçələrə çıxan xalq kütlələri, Misir məhkəməsinin Hüsnü Mübarəkə noyabrın 29-da bəraət qərarına etirazlarını bildiriblər.
Aksiya iştirakçıları 25 yanvar 2011-ci il çevrilişində öldürülən vətəndaşların qisasının alınmasını, günahkarların cəzalandırılmasını tələb ediblər.
Polis nümayişçilərə rezin dəyənəklər və gözyaşardıcı qazla müdaxilə edib, bir çox vətəndaş həbs edilib.
Məlumat üçün bildirək ki, Misirin keçmiş prezidenti Hüsnü Mübarək, iki oğlu, daxili işlər naziri Həbib əl-Adili və altı müavininin nümayişçilərin öldürülməsi və korrupsiya ittihamı ilə mühakimə olunduqları iddia üzrə məhkəmədə bəraət qərarı almışdılar.
Vüsal Qarayev