Bu gün Beynəlxalq Muğam Mərkəzində Azərbaycan Yazıçılar Birliyinin poeziya bölməsinin rəhbəri, Əməkdar İncəsənət Xadimi, tanınmış şair Çingiz Əlioğlunun 70 illiyinə həsr olunmuş tədbir keçiriləcək.
Mədəniyyət və Turizm Nazirliyinin mətbuat xidmətindən Simsar.az-a bildirilib ki, bir çox elm və mədəniyyət xadimlərinin iştirak edəcəyi tədbirdə Çingiz Əlioğlunun zəngin həyat yolu, fəaliyyəti və yaradıcılığından söhbət açılacaq, şeirlərinə bəstələnmiş mahnılar ifa olunacaq.
Geniş oxucu məhəbbəti qazanmış Çingiz Əlioğlu Əməkdar Mədəniyyət İşçisi, Əməkdar İncəsənət Xadimi fəxri adlarına layiq görülüb, bir sıra beynəlxalq və milli mükafatlar laureatıdır. Bu günə qədər şairin doğma ana dilində və xarici dillərdə 60-dan çox kitabı nəşr edilib. Şairin ayrı-ayrı vaxtlarda dərc olunan “Nikbinlik”, “Ömür ağacı”, “Günəşli dayanacaqlar”, “Görüşdən ayrılığa”, “Gün keçdi”, “Aynabənd, “Fraqmentlər”, “Ruhumun həndəsəsi”, “Gecə və bahar”, “Şairlik bir sənət deyilmiş, qardaş” və s. kitabları müəllifinə ümumxalq məhəbbəti qazandırıb. Onun şeirlərinə bəstələnmiş mahnılar müğənnilərimizin repertuarını bəzəyir. Şairin əsərləri dünyanın bir çox dillərinə tərcümə olunub.
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
